Այս բաղադրատոմսը նվիրված է ոչ միայն ամերիկյան խոհանոցի բոլոր երկրպագուներին: Դա կգնահատեն նաև հավի մսի սիրահարները։ Այն ստացվում է անչափ համեղ և կդառնա Ձեր տոնական սեղանների գլխավոր ուտեստը։
Այս ուտեստը պատրաստվում է ոչ միայն հավի կրծքամսից, այլ նաև թևիկներից: Արժե փորձել կրծքամիսը հայտնի սոուսով մեկ անգամ, և Դուք կսիրահարվեք այս ուտեստին ընդմիշտ: Ահա և բաղադրատոմսը:
Անհրաժեշտ է․
Հավի ֆիլե 2 հատ,
Ալյուր 50 գ,
Չորահացի փոշի 50 գ,
Կարագ 110 գ,
Շագանակագույն շաքարավազ 2 ճ․գ․,
Տոմատի մածուկ 3 ճ․գ․,
Չիլի սոուս 1 ճ․գ․,
Սխտոր 1 ատամ,
Աղ 0,5 ճ․գ․,
Սև պղպեղ (աղացած) ըստ ճաշակի։
Պատրաստումը․
Սոուսը պատրաստելու համար տոմատի սոուսը խառնեք 60 գ հալված կարագի, շաքարավազի, չիլի սոուսի, մանրացված սխտորի, աղի և պղպեղի հետ:
Յուրաքանչյուր հավի ֆիլեն կտրատեք երկարությամբ, որից հետո կիսեք մեջտեղից: Ընկղմեք յուրաքանչյուր կտորը նախ ալյուրի, ապա բաֆալո սոուսի, այնուհետև չորահացի փոշու մեջ:
Մնացած կարագը հալեցրեք ջեռոցում 2 րոպե 200 ° C ջերմաստիճանում: Որից հետո հավի կրծքամսի կտորները դրեք հալված յուղի մեջ և պատրաստեք ջեռոցում 30 րոպե 200 ° C ջերմաստիճանում:
