Այս թխվածքը բավականին հաճախ եմ պատրաստում: Այն ինձ գերել է իր նրբությամբ և վառ արտահայտված կաթնային համով: Պատրաստման եղանակը շատ պարզ է, նույնիսկ հարիչ միացնելու կարիք չկա: Իսկ բաղադրիչներն ամենահասարակն ու հասանելին են:
Թխվածքը տարբերվում է մյուսներից իր անսովոր նուրբ խմորով: Թխվածքն ուտելը միայն հաճույք է պատճառում:
Հավատացնում ենք, որ այն իսկապես առանձնահատուկ է:
Անհրաժեշտ բաղադրիչներ.
- 130-150գ շաքարավազ
- 4 ձու
- 150գ ալյուր
- 450-500մլ կաթ
- կես կիտրոն
Պատրաստման եղանակ.
Խորը տարայի մեջ հարել ձուն, ավելացնել շաքարավազը և լավ խառնել:
Ալյուրը մաղել և աստիճանաբար ավելացնել ձվա-շաքարավազային խառնուրդին:
Ավելացնել կես կիտրոնի քերած կեղևն ու հյութը:
Այնուհետև ավելացնել կաթը և լավ խառնել: Արդյունքում ստացվում է թույլ խմոր, ինչպես նրբաբլիթի համար:
Տապակին մի կտոր կարագ քսել, մեջը լցնել խմորը:
Ջեռոցը տաքացնել մինչ 170 ջերմաստիճանի: Թխել 60 րոպե:
Թխելու ընթացքում թխվածքը կբարձրանա, սակայն երբ սառի, կիջնի:
Պատրաստի թխվածքը թողնել որ ջեռոցի մեջ սառի՝ կիսաբաց անելով ջեռոցի դռնակը:
Թխվածքի պատրաստման հարցում ամենաբարդը թխվածքի սառելուն սպասելն է:
Թխվածքը հանել տապակից, ցանել շաքարի փոշին և մատուցել:
Բարի ախորժակ: