Միշտ ստացվում է համեղ և փքուն, իսկ միջուկը կարող եք փոփոխել՝ ընտրելով ձեր ընտանիքի անդամների սիրելի բաղադրիչները։
Անհրաժեշտ բաղադրիչներ․
- ալյուր՝ 6 բաժակ
- ջուր՝ 0,5լ
- արագ խմորիչ՝ 4թ․գ․
- ձեթ՝ 3-4ճ․գ․
- շաքարավազ՝ 1ճ․գ․
- աղ՝ 1թ․գ․
Պատրաստման եղանակ․
Գոլ ջրի մեջ լցնել խմորիչը, աղն ու շաքարավազը։ Ավելացնել ձեթը։
Աստիճանաբար ավելացնել մաղած ալյուրը։ Սկզբում լցնել 4 բաժակ, իսկ մնացածը քիչ-քիչ ավելացնել։
Լավ խառնել, որ ստացվի փափուկ խմոր։ Խմորը մի քանի անգամ խփել սեղանին։ Պիտի ստանաք էլաստիկ և նուրբ խմոր։ Դնել տաք տեղում։ Պատրաստի խմորը բաժանել կտորների և կարկանդակներ ձևավորել։ Վերցնել ցանկացած միջուկ․ կարտոֆիլի պյուրե՝ կանաչիով, եփած աղացած միս, եփած ձու և կանաչ սոխ։
Ձեռքերով հարթեցնել կարկանդակները և տապակել մեծ քանակությամբ տաքացրած ձեթի մեջ։
Բարի ախորժակ։