Թխվածքը շատ հեշտ է պատրաստվում, չի պահանջվում շատ ժամանակ և աշխատանք։
Անհրաժեշտ բաղադրիչներ․
- 270գ ալյուր
- 250գ կարագ
- 4 ձու
- 150գ շաքարավազ
- 60գ կրախմալ
- 4ճ․գ․ ջուր կամ կաթ
- վանիլին
- 2թ․գ․ փխրեցուցիչ
Պատրաստման եղանակ․
Ակյուրը միացնել կրախմալի հետ և խառնել։
Առանձին հարել փափկած կարագը, ավելացնել շաքարավազը և վանիլինը։ Հարել՝ մինչ միասեռ զանգված կստացվի։
Կարագին մեկ-մեկ հատ ավելացբել հավկիթները՝ յուրաքանչյուրից հետո հարելով։ Դրանից հետո մաս-մաս ավելացնել ալյուրը՝ զգուշորեն խառնելով գդալով։
Վերջում լցնել կաթը կամ ջուրը և խառնել։
Տապակին ձեթ քսել և լցնել նախապատրաստած խմորը։ Հարթեցնել։
Թխել նախապես տաքացրած ջեռոցում՝ 160 ջերմաստիճանի ներքո, 50-60 րոպե։ Պատրաստի կեքսը թողնել, որ սառի, հանել տապակից և շաքարի փոշի ցանել։
Բարի ախորժակ։