Այս բաղադրատոմսի շնորհիվ կկարողանաք պատրաստել շոկոլադե տորթ՝ ընդամենը 15 րոպեում։ Այն կլինի շքեղ զարդարանք՝ ցանկացած սեղանի համար։
Անհրաժեշտ բաղադրիչներ․
- 500գ կաթի փոշի
- 400գ շոկոլադե թխվածքաբլիթ
- 400գ սպիտակ թխվածքաբլիթ
- 200գ կարագ
- 250մլ տաք ջուր
- 60գ կակաո
- 200գ շաքարավազ
- շոկոլադ՝ տորթը զարդարելու համար
Ինչպես պատրաստել տորթը
Շաքարավազի վրա տաք ջուր լցնել և խառնել՝ մինչ այն կլուծվի։ Ավելացնել կաթի փոշին և խառնել՝ նույնպես մինչ լուծվելը։
Ավելացնել կակաոն, լավ խառնել՝ միասեռ զանգված ստանալու համար։
Դնել կարագը, լավ խառնել։ Շոկոլադե կրեմը պատրաստ է։
Տապակը ծածկել սննդային տոպրակով։ Լցնել կրեմի մի մասը և հավասարաչափ բաշխել։
Դնել շոկոլադե թխվածքաբլիթների շերտ և կրեմ քսել։
Այժմ սպիտակ թխվածքաբլիթից շերտի հերթն է։ Ընդհանուր ստացվում է 4 շերտ՝ 2 սպիտակ և 2 շոկոլադե։
Տորթը բոլոր կողմերից պատել կրեմով և առնվազն 3 ժամ թողնել սառնարանում։ Այն բանից հետո, երբ տորթը ներծծվել է, տապակը շուռ տալ ափսեի վրա և հանել տորթը, զարդարել քերած շոկոլադով։
Բարի ախորժակ։