Այսպիսի աղցանը հիանալի միջոց է ավելորդ կիլոգրամներից ազատվելու համար։ Այն օգտակար կլինի ոչ միայն նրանց համար, ովքեր դիետա են պահում, այլև կօգնի մաքրել օրգանիզմը։
Աղցանը պատրաստվում է միայն օրգանիզմը շլակներից և տոքսիններից մաքրող բաղադրիչներից։ Եվ դրանք են բանջարեղենի տեսակները, որոնք պետք չէ եփել։ Այլապես մաքրող արդյունք չեք ստանա։
Աղցանը պատրաստելու համար անհրաժեշտ է ընդամենը 10 րոպե։ Այն ոչ միայն օգտակար է, այլև շատ համեղ և սննդարար։
Անհրաժեշտ բաղադրիչներ․
- 140գ խնձոր, ընտրեք քիչ թթու տեսակը
- 150գ կաղամբ
- 75գ գազար
- 130գ բազուկ
- 1ճ․գ․ կիտրոնի հյութ
- 1ճ․գ․ ձիթայուղ
Ինչպես պատրաստել․
Գազարն անցկացնել կորեական գազարի համար նախատեսված քերիչով։
Կաղամբը բարակ-բարակ կտրատել։
Բազուկը գազարի պես անցկացնել քերիչով կամ կտրատել։
Խնձորը ձողիկների կտրատել։
Բոլոր բաղադրիչները միացնել, համեմել ձիթայուղով և կիտրոնի հյութով։ Խառնել։ Աղ ավելացնել պետք չէ։