Հեշտ պատրաստվող և անհավանական պարզ ու համեղ քաղցրավենիք, որը խելքահան է անում և մեծերին, և երեխաներին։ Անուշաբույր փքաբլիթները կարող եք զարդարել շաքարի փոշիով կամ շոկոլադե ջնարակով։
Անհրաժեշտ բաղադրիչներ․
- 500գ ալյուր
- 120գ կարագ կամ մարգարին
- 40գ թարմ խմորիչ
- 1ճ․գ․ շաքարավազ
- 1թ․գ․ աղ
- կիտրոնի կեղև
- 5 դեղնուց
- 350մլ կաթ
- շաքարի փոշի
Պատրաստման եղանակ․
Խմորիչը խառնել շաքարավազի հետ՝ քիչ տաքացրած կաթի մեջ։ Դեղնուցները հարել աղի հետ և մի քիչ կաթ ավելացնելով՝ խառնել։
Ալյուրը խառնել փափկացրած կարագի, կիտրոնի կեղևի, շաքարավազով կաթի, դեղնուցի հետ։ Լավ խառնել և թողնել մոտ 1 ժամ։
Երբ խմորը բարձրանա, հաստ շերտով գրտնակել, կտրել կլորներ՝ սովորական բաժակի օգնությամբ։
Եթե ցանկանում եք միջուկով փքաբլիթներ, ապա մի կլորակի վրա 1 գդալ միջուկ դրեք և ծածկեք մյուս խմորով՝ նախքան տապակելը։
Տապակել տաքացրած ձեթի մեջ՝ երկու կողմից։
Բարի ախորժակ։