Զորամասի զինանոցում վիրավոր զինծառայող է հայտնաբերվել․ զինվորական հոսպիտալ տեղափոխվելու ճանապարհին 19-ամյա զինվորը մահացել է
ՀՀ ՊՆ մամուլի խոսնակ Արծրուն Հովհաննիսյանը հայտնում է․
«Նոյեմբերի 4-ին՝ ժամը 19:30-ի սահմանում, դեռևս չպարզված հանգամանքներում, մահացու հրազենային վիրավորում է ստացել ՊԲ հարավ-արևելյան ուղղությամբ տեղակայված զորամասերից մեկի զինծառայող, 2000թ. ծնված Էրիկ Արարատի Հարությունյանը:
Դեպքի մանրամասները պարզելու համար կատարվում է քննություն:
Հայաստանի Հանրապետության պաշտպանության նախարարությունը կիսում է կորստյան ծանր վիշտը և իր զորակցությունը հայտնում մահացած զինծառայողի ընտանիքի անդամներին, հարազատներին ու ծառայակիցներին»:
Նշենք, որ ավելի վաղ ՀՀ Քննչական կոմիտեն հայտնել էր,որ կզակի շրջանում հրազենային վնասվածքով զինվորական Էրիկ Հարությունյանը հոսպիտալ տեղափոխվելու ճանապարհին մահացել է։
