2018-ի սեպտեմբերին հրապարակված հայտնի գաղտնալսման մեջ այն ժամանակ ԱԱԾ տնօրեն Արթուր Վանեցյանն ասում էր.
«Դատավորին ասի՝ ուզես-չուզես՝ Քոչարյանի կալանքը պիտի տաս»: Երեկ, սակայն, նա հայատարարեց, որ Ռոբերտ Քոչարյանի կալանքը սխալ է ընտրված:
Այս առնչությամբ ԱԺ պատգամավոր Արման Բաբաջանյանն ասյօր Factor TV-ի եթերում ասել է.
«Դա ևս գալիս է ապացուցելու, որ Արթուր Վանեցյանը նախկինների՝ Ռոբերտ Քոչարյանի, Սերժ Սարգսյանի, Միքայել Մինասյանի մարմնավորումն է, նոր փաթեթավորումն է։
Ինձ հետաքրքրում է Հայաստանի անվտանգությունը և այն ապիկար, Նիկոլ Փաշինյանի կողմից հանցավոր նշանակումը, որը հնարավոր է դարձրել ԱԱԾ տնօրենի պաշտոնում այդպիսի պարզունակ, անհեթեթ մարդուն նշանակել, որն այսօր կարող է վտանգել Հայաստանի անվտանգությունն իր հայտարարություններով»։
Առավել մանրամասն՝ տեսանյութում:
