Սա իրապես հաղթանակ է մեր երկրի համար․ ԱՆ Արսեն Թորոսյանը հայտարարություն է տարածել

Արսեն Թորոսյանն իր ֆեյսբուքյան էջում գրում է.

Վերջապես Հայաստանում կատարվեց առաջին Պոզիտրոն-էմիսիոնային տոմոգրաֆիան (ՊԷՏ/ՀՏ)` 10-ամյա սպասումից հետո:

Կորոնավիրուսային հիվանդության դեմ պայքարին զուգահեռ, շատ կարևոր է ապահովել նաև այլ բժշկական ծառայությունների հասանելիությունը երկրում, հատկապես երբ փակ են երկրի սահմանները և մեր քաղաքացիները փաստորեն զրկված են արտերկրում դրանք անցնելու հնարավորությունից:

Հավանաբար մյուս շաբաթից սկսած, մեր բոլոր քաղաքացիները, հատկապես քաղցկեղ ունեցող, ում ցուցված է ՊԷՏ/ՀՏ հետազոտություն ՖԴԳ-18 իզոտոպով, կկարողանան անցնել Ռադիոիզոտոպների արտադրության կենտրոնում և ստիպված չեն լինի այդ ծառայությունը փնտրել այլուր թե’ հիմա, թե’ հետո:

Սա իրապես հաղթանակ է մեր երկրի համար: Շնորհակալ եմ բոլոր նրանց, ով նպաստել է այս կարևոր ծառայության հասանելիության ապահովմանը Հայաստանում` ֆիզիկոսներից մինչև բժիշկններ:

https://www.facebook.com/ATorosyanOfficial/videos/3872460916158219/?__xts__[0]=68.ARCr6xZXfyJsiQ7FXj5Eq5Yzr2pEf0nqQ5H8CUjYMv4NGjv-0Jet2RDclX2fo6NveseHZ_8X-EFH8qCoNVoKlqTBvga58xwgCLZ2hfOZfq3I-yWFnIptwdoeCE6dMUYhWJxpX4ERRnWBVKKKRGAUJCTro3zwe8uMTV9NWsD7Ayo3pRGKk1-wnXuVOSy2URM7ACWTA1hM0r8YhrcjLKdswYVYDy9tBh9R0Q4kn_sbtq-dbmiW6aGCWDGfES-odFJzc33BJyhNz8ESmy3rDsdgHquaCLMPrMOiXq3XCYdgfDoSxl104UE6CQEXZxnSonwcGdqs168wN39e-bM1jBg-xN2k55XwrdCQusR6cg&__tn__=-R