Ուկրաինայի մայրաքաղաքում մահափորձ է կատարվել Կիեւի շրջանային խորհրդի պատգամավոր Վյաչեսլավ Սոբոլեւի դեմ, հայտնում է obozrevatel.com-ը:
Ինչպես ավելի վաղ հայտնել էինք, քաղաքի կենտրոնում անհայտ անձինք կրակ են բացել սեւ գույնի Range Rover մակնիշի ավտոմեքենայի վրա, որի սրահում երեխա է գտնվել: Նա եղել է Սոբոլեւի 3-ամյա որդին: Փոքրիկը մահացել է:
Միջադեպը տեղի է ունեցել Տոլստոյի եւ Տարասովսկու փողոցների խաչմերուկում:
Հաղորդվում է, որ պատգամավորը վարձակալել է մեքենան:
Կիեւում հանցագործներին գտնելու համար հատուկ գործողություն է իրականացվում:
Վյաչեսլավ Սոբոլեւն ուկրաինացի տնտեսագետ է, գործարար: Նա հանդիսանում է «Մարիո» գիշերային ակումբի սեփականատերը:
Նշվում է, որ Սոբոլեւը 5 երեխաների հայր է:
Տեսանյութը ստորև.