Ն. Փաշինյանը սկսել է անձամբ իրականացնել առաջիկա հանրաքվեի քարոզչությունը: Իր յուրահատուկ ոճի ու սկզբունքների համաձայն՝ նա անակնկալ այցելել է երևանայան մետրո՝ շփվելով մարդկանց հետ:
Բավականին հետաքրքիր տեսանյութ է արդյունքում ստացվել: Նկատելի է հանրության ջերմ վերաբերմունքը նրա նկատմամբ: Նրան են մոտենում մարդիկ, ոգևորիչ ու սիրո խոսքեր փոխանցում: Մի երիտասար Փաշինյանին հիշեցրել է, որ նա «Ելք»-ի ընտրությունների ժամանակ ևս իրեն բուկլետ է փոխանցել՝ ասելով՝ չհուսահատվե՛ք: Երիտասարդը հիմա արդեն փոխանցում է, որ չի հուսահատվել:
Մետրոյում գտնվող գրեթե բոլոր երիտասարդները նկարվելու առաջարկներ են անում վարչապետին:
Փաշինյանը կեսժամյա շրջայցի ընթացքում հանդիպում է արդեն չորրորդ մարդուն, որ արտերկրից տեղափոխվել են Հայաստան մշտական բնակության:
Փաշինյանը հանրությանը տեղեկացնում է, որ իրեն կարող են սպասել ամենուր. չի բացառվում, որ մի օր էլ նրանց կայցելի: Շրջայցի տեսանկարահանությունը կարող եք դիտել ստորև:
