Մարտի երեքին տեղի է ունեցել Հայաստանի վարչապետ Նիկոլ Փաշինյանի երկօրյա պաշտոնական այցը Վրաստան:
«Մենք ապրում ենք դժվար տարածաշրջանում, ամեն ինչ հիանալի հասկանում ենք եւ մեր կառավարությունները հասկանում են, որ մեր կայունությունն ու անվտանգությունը մեր երկրների զարգացման հիմքն են:
1-ին հերթին, մենք պետք է հոգ տանենք անվտանգության, հետո՝ մշակութային, տնտեսական ու ուրիշ ոլորտներում զարգացման համար», – նշել է Վրաստանի վարչապետ Գեորգի Գախարիան:
Իր հերթին Նիկոլ Փաշինյանը կրկնել է 2018 թվականին ասածը՝ Հայաստանն ու Վրաստանը չեն կարող անվտանգության սպառնալիք ներկայացնել միմյանց համար: Ավելի վաղ Փաշինյանը հայտարարել էր, որ Հայաստանն ու Արցախը պատրաստ են իրենց ներդրումն ունենալ տարածաշրջանային ու միջազգային անվտանգության գործում:
Վրաստանն ու Հայաստանը ի՞նչ նկատի ունեն անվտանգություն ասելով: Խոսքը միայն ֆիզիկական սպառնալիքի վերաբերյալ չէ, այլ նաեւ քաղաքական իրադարձությունների, որոնք տեղի են ունենում տարածաշրջանում եւ որոնք ինչ-որ պահի կարող են հանգեցնել գործող ռազմաքաղաքական համակարգի փլուզման:
Մանրամասները դիտեք տեսանյութում՝
