Հանրությանը վերջերս ցնցած, մարդկային բանականության մեջ չտեղավորվող տեղեկությունը դեռևս գտնվում է իրավական մարմինների ուշադրության կենտրոնում, չնայած դեպքի հանգամանքները բացահայտված են այլևս:
Արմավիրում անչափահաս տարիքում աղջիկը հղիացել էր: Մինչ երեխայի ծնունդը, ամիսներ առաջ աղջիկը պնդում էր, որ իր համադասարանցիներն են մեղավոր: Ավելի, նա մի քանի հոգու անուն էր տվել, որոնք գործում ընդգրկվել են որպես կասկածյալներ:Երեխայի ծնունդից հետո, քանի որ դեպքը բացառիկներից էր, արվեց դատաբժշկական քննություն, գենետիկական թեստեր: Թեստերի արդյունքները բացասական են ցույց տվել բոլոր այն կասկածյալների դեպքում, որոնց աղջիկը նշել էր մինչ այդ: Դրանից հետո համենայնդեպս գենետիկական քննություն է անցկացվել նաև հոր տվյալներով. պարզվել է ամենասարսափելին:
Թյուրիմացություններից խուսափելու համար թեստը կրկնվել է, արդյունքը նույնն է եղել:
Աղջկա մայրը ժխտում է նման իրողության հավանականությունը: Աղջիկն էլ, հայրն էլ հաստատել են թեստի իսկության, ճշմարտացիության հանգամանքը:
