Իրանի զինված ուժերը կներգրավվեն կորոնավիրուսի դեմ պայքարում, Թեհրանը կփորձի այն հաղթահարել նվազագույն կորուստներով։ Այս մասին հայտարարել է Իրանի նախագահ Հասան Ռոհանին, փոխանցում է ՌԻԱ Նովոստին։
«Բոլոր պետական մարմինները, զինված ուժերը, հասարակական կազմակերպություններն անհրաժեշտ միջոցներ կձեռնարկեն հասարակության առողջության համար:
Մենք ցանկանում ենք հնարավորինս կարճ ժամկետներում վերահսկողություն հաստատել հիվանդության նկատմամբ՝ նվազագույն հնարավոր վնասով»,-ասել է Ռոհանին։
Հիշեցնենք, որ ժամեր առաջ ՀՀ առողջապահության նախարար Արսեն Թորոսյանը ֆեյսբուքյան իր էջում հանդես էր եկել ուղիղ եթերով՝ անդրադառնալով կորոնավիրուսի տարածման հետ կապված մի շարք կարևոր հարցերի։
Մանրամասները դիտեք ստորև տեսանյութում․