Հայտնի է, որ կորոնավիրուսի ակտիվ օջախներից մեկն Իրանն է. այստեղ օր օրի ավելանում են վարակվածների թիվը, փոխվում է հիվանդների և մահացածների քանակային ցուցանիշը:
Այսօր իրանական լրատվամիջոցները տարածել են առողջապահության փոխնախարարի հայտարարությունը, ով անձամբ տեղեկացնում է, որ իր մոտ կորոնավիրուս է հայտնաբերվել: Նա մի քանի օր շարունակ օրգանիզմի ընդհանուր թուլություն և այլ ախտանշաններ է ունեցել, որի պատճառով բժշկական հետազոտության է դիմել: Հետազոտության արդյունքները, ցավոք սրտի, հաստատել են պաշտոնյայի՝ վտանգավոր վիրուսով վարակված լինելու հանգամանքը:
Փոխնախարարը հանդես է եկել տեսաուղերձով, որտեղ նա, հայտնելով իր հիվանդության հաստատման լուրը, տեղակացնում է, որ պայքարելու է հիվանդության դեմ: Նա ասել է, որ իրենք հաղթելու են վիրուսին:
Լրագրող Աբաս Ասլանիի տարածած այս տեսաուղերձը մեծ ցավով է ընդունվել Իրանում և դրա սահմաններից դուրս:7
