Արտավազդ Եղոյանը 1991 թվականին եղել է հայկական առաջին անկախ «3-րդ ալիք» հեռուստաընկերության հիմնադիրներից մեկը, ուր ունեցել է որոշ հեղինակային հաղորդումներ։ 1999-2001 թթ. աշխատել է «Արմենիա» հեռուստաընկերությունում, ուր վարել է «3-րդ վագոն» հաղորդումը։
Այնուհետև տեղափոխվել է «Երևան» հեռուստաընկերություն, ուր իրականացրել է «Կես կատակ, կես լուրջ», «Ժողովրդական վարպետներ» ու այլ հեռուստաէջեր։
Ապագայում «Կենտրոն» հեռուստաընկերությունում վարել է «Փողոց» հաղորդաշարը, իսկ «Հայ TV» հեռուստաընկերությունում, Կարեն Քոչարյանի ու Մարտին Վարդազարյանի հետ, վարել է «3-րդ ակումբ» հաղորդումը։ Տարիներ անընդմեջ եղել է բազմապիսի պետական մեծ ու փոքր միջոցառումների ու նախագծերի հնչյունային ռեժիսոր։
2000-ականների կեսերից աշխատում է «Մհեր Մկրտչյան» թատրոնում՝ որպես ներկայացումների երաժշտական ձևավորող։
Տիրապետում է 11 լեզուների, թարգմանել է մոտ 350 բազմաժանր ֆիլմ, որոնցից առավել հիշարժան են «Մայրիկ», «Մուսա լեռան 40 օրը», «Սիրանո դը Բերժերակ» ու ուրիշ ժապավեններ
Արտավազդ Եղոյանը իր ֆեյսբուքյան էջում գրել է.
Ժողովուրդ ջան, մի անգամ ես էս էդմոնին ձայն եմ տվել, ո՜նց եմ ափսոսում. Չեք ասի՞ ոնց էդ վերցնեմ. Արտավազդ Եղոյանը՝ Էդմոն Մարուքյանի մասին
