Անի Քոչարը, որ երկար ժամանակ համառորեն պայքարում էր քաղցկեղի դեմ, վերջապես կարողացել է հաղթահարել այն: Նրա մոտ հայտնաբերվել էր քազցկեղի ամենաագրեսիվ տեսակը՝ արյան քաղցկեղը, որը մարդու կյանքը խլում է ընդամենը շաբաթների ընթացքում:
Անի Քոչարը կարծում է, որ նա կարողացավ հաղթահարել այդ բարդագույն շրջանը Աստծո օգնության շնորհիվ:
Նա Գերմանիայից վերադարձել է դժվար բուժման շրջանից հետո, սակայն հիմա էլ է գտնվում բուժման շրջանում, որը պահպանող նշանակություն ունի:
Նա Գերմանիայում աշխատել է Սոցիալական հարցերի նախարարությունում, որը զբաղվել է Հայաստանից եկած փախստականների հարցերով: Նա նշում է, որ հայերի 99,9 տոկոսը Գերմանիա են գալիս բուժվելու համար, ընդ որում՝ հենց քաղցկեղի բուժման համար, իսկ նա նրանց ուղեկցել է հիվանդանոցներ:
Անի Քոչարը գտնում է, որ իր համառությունն ու հավատն է իրեն փրկել: Նույնիսկ երբ նա մահամերձ է եղել և մորֆիներով են նրան պահել, քանի որ ցավերն անտանելի էին, որովհետև քաղցկեղածին բջիջները գլխուղեղին էին հասել, երբեք չի կորցրել ապաքինվելու հույսը:
