Տորթն ունիկալ է նախ և առաջ այն հանգամանքով պայմանավորված, որ ալյուր օգտագործելու կարիք առհասարակ չկա: Այն պարզագույն մթերքների հետաքրքիր միավորման արդյունքում ստացվող հրաշալի տորթ է, որը կարելի է պատրաստել ցանկացած առիթի ժամանակ:
Շերտերը ստանալու համար բավական է լավ հարել ու թանձրացնել հավկիթի սպիտակուցային մասսան, քիչ շաքարի փոշի և օսլա ավելացնել: Վերջում զգուշորեն լցնել նաև բովված ընկույզ և տարածել տարրայի մեջ՝ փոխադրելով թխելու:
Կարևոր է տարրա ընտրելիս հաշվի առնել հանգամանքը, որ թխված շերտը պետք է բաժանել երեք հորիզոնական մասի: Շմոռանալ ջեռոցից հանելուց անմիջապես հետո հեռացնել ստվարաթուղթը, քանի որ հետո այն հեռացնել հնարավոր չի լինի:
Կրեմի համար հավկիթի դեղնուցը շաքարի փոշու հետ միախառնելով եփել, բայց մինչ 90 աստիճան և ոչ ավել: Սա սառեցնելուց հետո խառնել հարած կարագի ու կակաոյի հետ:
Շերտերը տվյալ կրեմային խառնուրդով միավորել: Կցված տեսանյութը կօգնի ավելի հեշտ կողմնորոշվել:
