Փետրվարի 29-ին ոստիկանության Մուշի բաժնում մի քաղաքացուհի հաղորդում է տվել, որ փետրվարի 28-ից 29-ն ընկած ժամանակահատվածում Գյումրիի
Վազգեն Սարգսյան փողոցի իրենց պատկանող խանութից գողություն են արել։
Ոստիկանությունից NEWS.am-ին հայտնում են, որ ոստիկանները դեպքի վայրում արձանագրեցին, որ կոտրել են խանութի դռան ապակին եւ հափշտակել ապրանքներ։
Մարտի 2-ին ոստիկանության Մուշի բաժնի ծառայողների իրականացրած միջոցառումներով, հանցագործությունը կատարելու կասկածանքով, ոստիկանություն են ներկայացվել 14 եւ 16-ամյա եղբայրներ։ Նրանք խոստովանել են կատարածը եւ հանձնվել ծնողներին։
Կատարվում է հետաքննություն։
