Ներկայացնում ենք շոգեխաշած հավի մսի բաղադրատոմս, որը իր համով չի զիջի խանութից գնվածին, սակայն չի պարունակում արհեստական հավելումներ և շատ օգտակար է:
Անհրաժեշտ բաղադրիչներ.
- հավ՝ 2կգ
- սև հատիկավոր պղպեղ՝ 20 հատ
- աղ՝ 20գ
- դափնետերև՝ 4 հատ
Պատրաստման եղանակ.
Հանել հավի կաշին, հանել ոսկորները, միսը մանր կտրատել: Դնել կաթսայի մեջ, աղ և պղպեղ ավելացնել, կարող եք օգտագործել նաև ցանկացած այլ համեմունքներ, որոնք ձեզ դուր են գալիս:
Մսով կաթսան 40 րոպեով թողնել սառնարանի մեջ:
Բանկաները ստերիլիզացնել՝ ձեզ համար առավել հարմար եղանակով: Յուրաքանչյուրի մեջ 10 հատիկավոր պղպեղ դնել և 2 դափնետերև:
Բանկաների մեջ դնել միսը, բայց պետք չէ շատ սեղմել: Կափարիչի փոխարեն՝ ծածկել փայլաթղթով և ուղարկել սառը ջեռցի մեջ:
Եփել ջեռոցում՝ 150 ջերմաստիճանի ներքո, 4,5 ժամ:
Երբ անջատեք ջեռոցը, բանկաները թողեք ներսում կես ժամ, որ սառեն:
Դրանից հետո փակեք ստերիլիզացված կափարիչներով և շուռ տվեք:
Բարի ախորժակ:
Նյութը հրապարակման պատրաստեց Arajininfo.ru կայքը