Անցած շաբաթ տան համար անհրաժեշտ իր էի պատվիրել, ասել էին երկուշաբթի առավոտյան կբերեն: Երկուշաբթի չբերեցին: Երեկ զանգել եմ իրենց, մի հաճելի ձայնով աղջնակ ասում է.
— Ներողություն ենք խնդրում, ուղղակի շատ ծանրաբեռնված էինք, երեկ չհասցրեցինք, վաղը կբերենք:
Քանի որ աղջնակը շատ հաճելի և իրապես զղջացող ձայնով պատասխանեց, փափկեցի և որոշեցի օգնել աղջնակին հետագայում նման դեպքերում ավելի գրագետ վարվելու.
— Հարգելիս, էդ դեպքում պետք է երկուշաբթի զանգեիք և զգուշացնեիք, որ չեք բերելու և ասեիք, որ 2 օր ուշացնելու եք:
Հեռախոսի մյուս ծայրին գտնվող զրուցակիցս պարզվեց բավականին փորձված էր նման իրավիճակներում.
— Այո, հասկանում եմ, դուք ճիշտ եք, բայց մատակարարման ոլորտ է, բարդ է, կիքսեր են լինում, այ օրինակ դուք ո՞ր ոլորտում եք աշխատում:
Հարցը շատ անսպասելի էր և նույնիսկ ինձ սկսեց հետաքրքրել, թե խոսակցությունը ինչ ավարտ կունենա: Ասում եմ.
— Ես գործարար եմ:
Մեր աղջնակի (զրուցակիցս շատ հարազատ էր դարձել արդեն))) ձայնը ավելի առույգացավ, ասում է.
— Այ տեսնում եք, վստահ եմ ձեր մոտ էլ են նման կիքսեր լինում:
Ու ավելի խունջիկ ձայնով ասում է.
— Ճիշտ եմ չէ՞:
Դիմացինիս ձայնի մեջ էնքան մեծ հյուս կար, որ պիտի պատասխանեի՝ այո, որ այլ բան չէր մնում անելու.
— Հա դե ճիշտ եք, ոնց չի լինում, և շատ հաճախ, օրինակ մեզնից հարսանեկան ֆուրշեթներ են պատվիրում և երբեմն շատ զբաղված ենք լինում և մի քանի օր ուշացնում ենք, վերջերս օրինակ փեսայի տունը սեղանը քցել էինք, հարսի տանը չհասցրեցինք, 2 օրից կազմակերպեցինք)))
Աղջնակը շատ կարճ պատասխանեց.
— Հասկացա, 1 ժամից պատվերը տեղում կլինի:
Ու իրապես բերեցին)))
Կոնֆլիկտային իրավիճակները հումորով լուծվող դրվագներով լի աշխատանքային օր եմ մաղթում բոլորիս: