Այս կորժերի բաղադրատոմսը ձեզ հաճելիորեն կզարմացնի․ 4 պարզ բաղադրիչից պատրաստած խմորից առանց ջեռոցի թխեք 12 շերտ, և խմորեղենի համար օգտագործեք ցանկացած կրեմ։ Խմորի մեջ օգտագործվող թթվասերը դարձնում է խմորեղենը շատ փափուկ և նուրբ։
Անհրաժեշտ բաղադրիչներ․
- շաքարավազ՝ 200գ
- ալյուր՝ 3 բաժակ
- թթվասեր՝ 200գ
- սոդա՝ 1թ․գ․
Պատրաստման եղանակ․
Թթվասերը միացնել շաքարավազի և սոդայի հետ՝ որևէ ապակե տարայի մեջ, խառնել։
Ալյուրը մաղել և մաս-մաս լցնել թթվասերային խառնուրդի մեջ, ձեռքերով խմոր հունցել։ Ստացվում է խիտ և պինդ խմոր։
Ստացված խմորը բաժանել 9-12 մասի։
Յուրաքանչյուրը գրտնակել բարակ շերտով, կտրել թավայի տրամաչափին համապատասխան։
Առանց ձեթի կամ կարագի չոր թավան դնել կրակին, տաքացնել։ Մեջը թխել կորժերը երկու կողմից։
Պատրաստել ցանկացած կրեմ և սառած կորժերին քսելով՝ տորթ հավաքել։
Բարի ախորժակ։
