Վերջերս ինձ հետ շատ տհաճ միջադեպ եղավ․․․ ոչ մեկին չէի ցանկանա հայտնվել նման իրավիճակում։ Անհնար է նկարագրել, թե ինչ է կատարվում հոգումս, շատ ցավոտ է․․․ Կցանկանայի իմանալ ձեր կարծիքը՝ այս ամենի վերաբերյալ։
Ես ու ամուսինս միասին ապրել ենք 12 տարի։ Լուրջ վեճեր երբեք չենք ունեցել․ նա աշխատում է, իսկ ես զբաղվում եմ մեր երեխաների դաստիրակությամբ, խնամքով, դասերով։ Բացի այդ, նաև աշխատում եմ տանից․ հագուստի վերանորոգում եմ անում։
Մոր որդին արդեն 8 տարեկան է, սովորում է դպրոցում, իսկ աղջիկս 3 տարեկան է։
Մեր համատեղ կյանքի ընթացքում ձեռք ենք բերել բնակարան և ամառանոց։ Մինչ այս դեպքը ինձ թվում էր, որ հեքիաթային կյանքով եմ ապրում։
Մի քանի օր առաջ ամուսինս ասաց, որ պիտի 7 օրով մեկնի գործուղման։ Դա ինձ չզարմացրեց, քանի որ նման բան հաճախ է լինում։ Դստերս թողեցի մորս մոտ, իսկ որդուս որոշեցի գնալ մեր ամառանոցը, քանի որ ամբողջ ձմռան ընթացքում այնտեղ չէինք եղել։ Մտածեցի, մի քիչ մաքրություն կանենք, կգանք տուն։
Հենց մտանք ներս, սիրտս կանգնեց․ իմ խոհանոցում կանգնած էր մի երիտասարդ աղջիկ, հագին էլ՝ ամուսնուս վերնաշապիկը։
Հետո սենյակից դուրս եկավ ամուսինս․․․ Ես բռնեցի որդուս ձեռքից և դուրս վազեցի։ Ամուսինս եկել էր տուն, բայց դուռը չբացեցի, արդեն մի շաբաթ զանգերին չեմ պատասխանում։
Հիմա չգիտեմ, ինչ անեմ, ինչպես շարունակեմ ապրել․․․
