Հարություն Մկրտչյանը «Ազգային երգիչ» նախագծին մասնակցելուց առաջ գտնվել է զինծառայության մեջ: Մինչ զինծառայության մեկնել էլ Հարությունը կրկին մեկ այլ հեռուստանախագծի էր մասնակցում: Նախագիծը կոչվում էր X Factor, իսկ Հարությունը մասնակցում էր որպես ռոք խմբի մասնակից, սակայն այն ժամանակ այնքան էլ մեծ ճանաչում ու սեր չէր վայելում, ինչպես հիմա է:
Բանակում զառայելու ընթացքում էլ, ինչպես երևում է, Հարությունը չի դադարել երգել:
Համացանցում տարածվել է մի գեղեցիկ հոլովակ, որտեղ երևում է, թե ինչպես է Հարությունը երգում գիթառի հնչյունների ներքո: Նա կատարում է «Թռչեի մտքով տուն» հրաշալի երգը: Երգի խոսքերի հեղինակը տաղանդավոր գրող Գեղամ Սարյանն է, իսկ երաժշտությունը գրել է կոմպոզիտոր Աշոտ Սաթյանը:
Երգն անչափ հուզիչ է և մշտապես գրավում է զինծառայության մեջ գտնվող ցանկացած ծառայողի, քանի որ այն լիովին արտահայտում է նրանց հոգեկան ապրումները: Երգը չհնացողների շարքին է պատկանում և միշտ էլ արդիական կլինի: