«Գցել են գետնին, ոտքերով և ձեռքերով հարվածել»․ էջմիածնեցի կնոջ հարազատները ծեծի են ենթարկել հումորային տեսահոլովակի հեղինակին (Video)

Հարգելի ընկերներ և լրագրողներ, տեղեկացնում եմ ձեզ, որ 15/03/2020-ին ՖԲ սոցիալական ցանցի իմ անձնական էջում տեղադրել եմ մի հումորային տեսահոլովակ, որում հայտնել եմ իմ աջակցությունը «էջմիածնեցի մորքուրին», ով կարողացել է լուծել խցանումների հարցը, և որքան հեշտ է դարձել երթևեկելը Երևանի փողոցներով հենց նրա շնորհիվ:
Կարճ ժամանակահատվածում տեսահոլովակը ստացել է լայն տարածում՝
600.000 դիտում,
1.100 մեկնաբանություն,
10.000 share/տարածում,
12.000 ռեակցիա։

Չորս ժամ անց, երբ ես գտնվում էի Say Cheese խանութի դիմաց, երեք անծանոթ, դիմակավորված անձինք մոտեցել են ինձ, արել են հարցադրում, թե արդյո՞ք ես եմ այդ տեսահոլովակի հեղինակը և, առանց որևէ բացատրության խփել-գցելով գետնին, հարձակվել են ինձ վրա՝ հասցնելով հարվածներ ոտքերով և ձեռքերով: Այդ ամենը տեսնելով՝ կինս ու անձնակազմի անդամները փորձել են կանխել հարձակումը, սակայն նույնպես ենթարկվել են ագրեսիվ հարձակման: Վաթսուն վայրկյան տևողություն ունեցող հարձակումից հետո անհայտ անձինք դիմել են փախուստի:
Դեպքից անմիջապես հետո հասցրել եմ ֆիքսել փախուստի դիմող անձանց պատկանող ավտոմեքենայի պետհամարանիշը և անմիջապես կապվել ՀՀ ոստիկանություն և հայտնել դեպքի մասին: Ոստիկանության կողմից ձեռք բերած օպերատիվ տեղեկություններից պարզ է դարձել, որ տվյալ անձինք «էջմիածնեցի մորքուրի» ազգականերն են:

Հարուցված քրեական գործի շրջանակներում ես ու կինս անցել ենք դատաբժշկական փարձազննություն:
Հարձակման տեսագրությունը հանձնվել է ոստիկանություն:

Понравилась статья? Поделиться с друзьями: